St.Josephs Daham Pasal- Talent Show 2014

ඔයාට මොනවා වුණත් මට මොකද ?

( සාමාන්‍ය සමයේ 23 ඉරුදින සැප්තැම්බර් 07, මතෙව් 18:15-20 )

අද ශු. සුවිශේෂය ඉදිරිපත් කරන්නේ තමන් අඳුනන කෙනෙකුගේ වැරැද්දක් නිවැරදි කරන විට අනුගමනය කළ යුතු කි‍්‍රයා පටිපාටිය පිළිබඳ සම්පූර්ණ විස්තර විභාගයක් බව අපට බැලූ බැල්මට සිතෙයි. එහෙත් උන්වහන්සේ මින් අවධාරණය කරන්නට උත්සාහ කරන්නේ ඊටත් වඩා ගැඹුරු දෙයකි.

හැම කෙනාම හිතන්නේ තමා නිවැරදි කර ගන්නා විධිය ගැනය. උන්වහන්සේ කියන්නේ තමා පමණක් නොව තමා දැන හඳුනන හැම කෙනාවම නිවැරදි කිරීමේ භාරධූර වගකීම ගැනය. එනම් තමන්ගේ ප‍්‍රශ්න පමණක් නොව අනුන්ගේ ප‍්‍රශ්නද තමන්ගේ ප‍්‍රශ්න බවය. ඒ ඇයි?

අනිත් අය යනු අපම බව අපට වඩා හොඳින් දන්නේ උන්වහන්සේය. ඊට හේතුව උන්වහන්සේගේ තාත්තාය. තාත්තා පුතාට කීවේ අපේ තාත්තලා කවදාවත් දරුවකුට නොකියන දෙයකි. එනම් ‘පුතේ අනිත් අයගේ පව්වලට ඔයා කරගහනවද?’ කියාය. ජේසු සමිඳුන් කියන්නේ එවැනි තාත්තා කෙනෙකුගේ කීමට මෙහෙට ආ කෙනෙකි. අනිත් කෙනා තමාගේම කෙනක් යැයි හිතන්නේ නැතිව තාත්තා දුන් වැඩය කිරීමටද උන්වහන්සේට පුළුවන්කම තිබුණි. එහෙත් එසේ කළා නම් එය තාත්තා කී පලියට කරන්නම් වාලේ කරන ලද දෙයක් මිස ඉත සිතින් කළ දෙයක් නොවන්නට තිබුණු බව පැහැදිළිය. ජේසු සමිඳුන් කිසිම දෙයක් කරන්නම් වාලේ කළේ නැත. උන්වහන්සේ සැමවිටම තමන් කරන දේ කරන්නේ ඇයිදැයි හරියටම දැනගෙන එය කළ කෙනෙකි. කරන දේ කරන්නම් වාලේ කරන්නේ අපය. ඒ නිසා අපේ කෙරුවාවේ තරම අපි දනිමු. කරන්නේ ඇයි දැයි කල්පනා නොකර කරන දේවල් කරන්නම් වාලේ අප කරන්නේ ඇයි? 

අද උන්වහන්සේ කතා කරන්නේ ඇයි කියන ප‍්‍රශ්නය ගැනය. අප අනිත් කෙනෙකුව නිවැරදි කරන්නේ ඇයි? මුලින්ම වැරැද්ද කරන කෙනාව පෞද්ගලිකව හමුවන්නේ ඇයි? අසාර්ථක වුවහොත් තව දෙදෙනෙකු කැටුව යන්නේ ඇයි? එයත් අසාර්ථක වුවහොත් සභාවට දැනුම් දෙන්නේ ඇයි? එම පියවරත් අසාර්ථක වුවහොත් පමණක් ඔහුව කොන් කරන්නට කියන්නේ ඇයි? මේ හැම පියවරකටම හේතුව අනිත් කෙනා පිට කෙනෙක් නොව තමන්ගේම කෙනෙක් වන නිසාය. අපේම කෙනෙකුට අපි අපට මෙන් සලකමු. පිට අයට වෙනස්කම් කරමු.

උන්වහන්සේට අනුව ඇත්තේ එකම එක මිනිස් පවුලකි. ඒ පවුලට ඇත්තේ එක තාත්තා කෙනෙකි. තාත්තාට හැම මනුෂ්‍යයාම පුතෙකි. දුවකි. උන්වහන්සේගේ එකම පුතාව අපේ බිලිපඬුර වීමට මෙහි එව්වේ උන්වහන්සේගේ පුතාට තරම්ම අපටද අපේ තාත්තා ආදරේ බව ඔප්පු කිරිමටය. අප ගැන අපේ තාත්තාට ඇති රුදාව අපට අපේ ලඟ සිටින අනිත් අය ගැන නැත්තේ ඇයි? ‘මේ, අනිත් අයව හදන්ඩ අපට බෑ. තමා විතරක් හැඳුනහම ඇති. තමන්ගේ පාඩුවේ ඉන්න එක තමයි හොඳ. අනිත් අයගෙන් වැඩක් නෑනේ අපිට. එයාලට මොනවා වුණත් මට මොකද?’ අද හිතන විදිය අද ජේසු සමිඳුන් හිතන විදියට කොයි තරම් පටහැනිද? නේද?

ඔබ කැමති ජේසු සමිඳුගේ සුවිශේෂයටද? මිනිස්සුන්ගේ සුවිශේෂයටද? 

දේව වචනය බෙදා ගන්නා ගරු පියතුමන්ලාගේ සාකච්ඡාව ඇසුරිණි.

සමිඳාණන් සමග රැඳි සිටිමින්, සාතන් පරදන්න !

ගොබ් ඉරිදා - අප්‍රේල් 13, මතෙව් 26:14-27

ඔබ අතරෙන් කෙනෙක් අද මා පාවා දෙන්නෙහි යැයි ජේසු සමිඳුන් කියනවිට අප කාගේත් හිතට එන්නේ ජුදස්වය. නමුත් කෑම මේසයේදි මුලින්ම එය උන්වහන්සේ කියන විට කාටවත් ජුදස්ව හිතට ආවේ නැත.
ඔවුන්ගේ හිතට ආවේ ‘ඒ මමද ඒ මමද’ කියා පමණකි.

 එය ඔවුන්ට බලපෑවේ වෙන කාගේවත් නොව තමන්ගේම පෞද්ගලික ප්‍රශ්නයක් ලෙසය. ඒ තරමට දුර්වලකම කාටවුවද දැනී තිබුනි. ඊ ලඟට දුර්වලයා වන්නේ තමා දැයි හැමෝටම බය සිතුනි ඒ හැන්දෑවේ ජුදස් වීමට කාට වුවද පුළුවන්කම තිබුනි. එහෙත් ජුදස් වීමට කව්රුත් කැමැත්තෙන් සිටියේ නැත. අවසානයේදි ජුදාස් වූයේ ඔවුන් හීනෙන්වත් නොසිතූ කෙනෙකි. එ ජේසු සමිදුන් දුන් හෝඩුවා ඔවුන්ට නොතේරුණේ එබැවිනි. ජුදස්ට ජුදස් නොවී සිටීමට  ඕනෑ තරම් ඉඩ තිබුණි. නායක පූජකයන් සමග කර තිබු ඔහුගේ කුමන්ත්‍රණයටත් වඩා ජුදස්ගේ වැටීමට හේතුව රාත්‍රි භෝජන මේසයෙන් නැගිට යෑමය. ජුදස්ට කෑම මේසයෙන් නැගිටින්නේ නැතිව ඉන්නට තිබුණි. ඔහු තව ටිකක් වේලා එහි සිටියා නම් ජේසු සමිඳුන්ගේ එක වචනයකින් ඔහු තුළ තිබූ පරික්ෂාව පහවන්නට ඉඩ තිබුණි. බොහෝ ලොකු දේවල් කර තිබු ජුදස්ට ඒ පොඩිදේ කර ගැනීමට බැරි විය.

ඊට හේතුව ඔහුට ඔහුවම පාලනය කර ගත නොහැකි තත්ත්වයකට සාතන් ඔහුව ඇද දමා තිබීමය. ජුදස්, ශ්‍රාවකයන්ව ජේසු සමිඳුන් ගෙයින් ගෙටයෑමට පිටත්කර යැවූකාලයේ යක්ෂයන් ආවේශවූ අයව ද සුව කළ කෙනෙකි. එහෙත් ඔහුට ඔහුගේ ඇඟ ඇතුලට ගිය යක්ෂයාව දුරුකර ගැනීමට බැරි විය. අපමණ යකුන් දුරුකර තිබුණු ජේසු සමිඳුන්ටත් එ ජුදස්ට ආවේශවී සිටි යක්ෂයා දුරු කර ගැනීමට බැරි විය. කෙසේ හෝ සාතන්ගේ උගුලට ජුදස්ව බිලිවන්නේ ඔහු උන්වහන්සේගෙන් ඈත්වීම නිසා බව පැහැදිළිය. සාතන්ට බිලිවීමට වැඩි වෙලාවක් යන්නේ නැත. ජුදස්ද මුල සිටම සාතන්ට හසුවුණු කෙනෙක් නොවේ. ඔහුද අන්තිම මොහොතේ යකාට නතුවුණු අයෙකි. 

පරික්ෂා ජුදස්ට පමණක් නොව අපටද එයි. ඒවාට නොවැටී සිටීමට හැකි එකම විධිය ස්වාමින් වහන්සේ සමඟ සිටීමය. උන්වහන්සේ කියන විධියට අවධියෙන් සිටීමට සැම විටම අපටද නොහැකිය ?

ගරු රුවන් සඳසිරි පියතුමා අතුළු, පියතුමන්ලාගෙ සාකච්චාව ඈසුරෙනි.

ලිපි පළකිරිම - රංජන් ද මැල්

(අන්තර්ජාලිය සයිබ අවකාශය තුලත්, දේව වචනය මාංශගතකිරිමේ වෑයමකි.)

ඔබ මිනිසුන්ට සමීපවන විධිය හරිද?

මාර්තු 23 වන ඉරිදා,  ජුවාම් 4: 5-15, 19-26, 39-42.

අද ජේසු සමිදුන්ට මුණගැසෙන සමාරිය ස්ති‍්‍රය අතේ ඇත්තේ වතුරෙන් පමණක් නොව කඳුලෙන් පවාපිරවිය හැකි කලයකි. ඒ තරමට ඇයට ඇත්තේ දුක්බර කතාවකි. දැනටමත් පිරිමි 7 දෙනෙකු සමග සිටි ඇයට දැන් පවා සිටින්නේ තමාව කසාද බැඳීමට කැමැත්තෙන් සිටිනකෙනෙකු නොවේ. 

ඔබේ ගෙදරත් තාබෝර් කන්දක්ද ?

මතෙව් 17:1-9 - මාර්තු 16 වන ඉරිදා

තාබෝර් කන්දට අද ජේසු සමිදුන් නගින්නේ තාත්තා සමග කතා කරන්නටය. වෙනදා ? එළිවෙනකම් තමා සමග කතාකරන තාත්තා අද කන්දට ආවේ තවත් අමුත්තන් දෙදෙනෙකුද සමගය. තමන්ට හැගෙනදේ ඒ මොහොතේම කෙලින්ම කීමට පුළුවන්කම තිබියදි පරණ දිවැසිවරු දෙදෙනෙකු සමග තාත්තා පුතාට කතා කරන්නට ඒමෙන් සිදුවුදේ ගැන යළි යළිත් සිතන්නට ජේසු සමිදුන් පෙළඹුනා. 

දෙවියන්වහන්සේ දිවැසිවරු මගින් කතා කළ යුගය අවසන් බව උන්වහන්සේටද සිතී තිබුනි. එහෙත් තාබෝර් කන්දේදි මේසිතිවිල්ල මුලුමනින්ම වෙනස්විය. පරණ දිවැසිවරයකුට පවා උන්වහන්සේට කීමට අලූත්දෙයක් තිබෙයි. දෙවියන්වහන්සේගේ ඇස්පනාපිට මොසෙස්  සහ එළියා යන දෙදෙනාටම ජේසු සමිදුන්ට කීමට දෙයක් තිබෙයි. තාබෝර් කන්දේ ජේසු සමිදුන් කරන්නේ කතා කරනවාටත් වඩා ඔවුන්ට සවන්දෙන එකයි. පුතාට මෝසෙස් කියන දේවල්ද එළියා කියන දේවල්ද කියා අවසන්වන තුරු තාත්තාද කට පියාගෙන සිටියේය. ඒ තරමට තාත්තාද පුතාද දෙදෙනාම තවත් දෙදෙනෙකුට සවන්දෙන තත්ත්වයට පත්වුහ. කෙනෙකුට සවන් දිමේ වැදගත් කම මෝසෙස් සහ එළියා කතා කළ විධියෙන්ද පෙනුනි. මොසෙස් කතා කරන විට එලියා කට පියාගෙන සිටියේය. ඔවුන්ද කතා කළේ උන්වහන්සේට දෙදෙනාටම සවන් දිමට පුලුවන්වන විධියටය. එනම් තාබෝර් කන්දේ හතර පස් දෙනෙක් සිටියද ඒ හැමෝම කතා කිරිමට ඇවිත් තිබුණද ඔවුන් හැමොම වැඩියෙන්ම කළේ කතා කිරිමටත් වඩා සවන්දිමය. මේ සිදුවන කිසිත් නොදත් පේදුරු වාචාල කමට කෑ ගැසුවේය. ඔහුට දෙවියන්වහන්සේ තදින්ම තරවටු කළේය."මොහුට සවන් දෙන්නැයි" දෙවියන්වහන්සේ පේදුරුට කියන විට ජේසු සමිදුන් ද සිටියේ කතා කරකර නොව වෙන කෙනෙකුට සවන්දෙමින්ය. සවන්දෙන පුතාට සවන්දෙන්නැයි දෙවියන්වහන්සේ කීවේ සවන්දෙන කෙනෙකුගෙන් කතාකරන කෙනෙකුගෙන් ඉගෙන ගන්නා දේවල්වලටත් වඩා වැඩි දේවල් ඉගෙන ගැනීමට ඇති නිසායි.

අප තුන්හතර දෙනෙක් එකතුවන තැන්වල සිදුවන්නේ තාබෝර් කන්දේ සිදුවු දේවල්වලට හාත්පසින්ම වෙනස් දේවල්ය. දෙවියන්වහන්සේ කතා කරන විට වෙන කිසිකෙනෙකුට කතා නොකළ හැකි තත්ත්වයක් කන්දේ උද්ගත වූයේ නැත. ඒ වෙනුවටඅප දුටුවේ උන්වහන්සේ අනිත් අයට කතා කරන්නට ඉඩදෙන තත්ත්වයකි. වෙන කාටවත්කතා කරන්නට ඉඩනොදි තමා පමණක් කතා කළයුතු යැයි සිතන අය පාර්ලිමේන්තුවේ පමණක් නොව අපේ ගෙවල්වලද සිටිති. 

සමිදාණන් එපා කීදේවල් ඔබටත් එපාද?

මාර්තු 09 චතාරිකයෙ පළමු ඉරුදින.

මතෙව්-4:1-11 

ශුද්ධාත්මයාණන් වහන්සේ උන්වහන්සේට පාළුකරයට යන්නැයි කියනවිට උන්වහන්සේගේ අතේවතුර බෝතලයක්වත් තිබුණේනැත. දත්බුරුසුවක්, සබන්කෑල්ලක් කමිසදෙකක් ගත්තේ නැතිව අප නම් කොයි ගමනක්වත් යන්නේ නැත. එහෙත් උන්වහන්සේ පාළුකරයට ගියේ හිස් අතින්මය. එහිදි උන්වහන්සේ දින 40 ක් නොකානොබී සිටියේය. කෙනෙකුට ජිවත්වීමට කොයි තරම්නම් දේවල් අවශ්‍ය බව කීවද ඒ කිසිම දෙයක් නොමැතිව දවස් 40 ක් සිටීමට හැකිබව උන්වහන්සේට පෙනුනි. උන්වහන්සේට පෙර මෝසෙස් සීනයි කන්දේ මෙසේ දෙවියන්වහන්සේ සමග කතා කරමින් නොකානොබී දින 40 ක් පසු කළේය. මිනිසා ජිවත්වන්නේ ආහාරයෙන් පමණක් නොව දෙවියන්වහන්සෙගේ මුවින්නික්මෙන සෑම වචනයකිනම බව ජනතාවට මෝසෙස් කියා දි තිබුණේ ඔහුගේම පෞද්ගලික අත්දැකීමෙනි. 

චතාරිකය යනු පාස්කු මඟුලට සුදානම් වීමයි

 පාස්කුව යනු කිතුනුවන්ගේ මහා මංගල උළෙලයි. කිතු සමිඳුන් මරු පරදා උත්ථානය ලැබීම වත්මන් පාස්කුව තුළින් අපි සිහිපත් කරමු. චතාරිකය යනු පාස්කු උළෙලට සුදානම් වීමකි. මේ සඳහා අළු බදාදා සිට දින 40 ක කාලයක් ශුද්ධවු සභා මාතාව විසින් වෙන් කර දී තිබේ. මෙම කාලය තුළදී ක්‍රිස්තුන් වහන්සේගේ මහිමාන්විත උත්ථානය සැමරීම සඳහා කිතුනුවෝ පශ්චාත්තාපී ක්‍රියාවන් තුළින් සුදානම් වෙති.


චතාරිකය යන වචනයේ තේරුම කුමක්ද? අපේ පැරැන්නෝ චතාරිකය යනුවෙන් නොව කොරැස්මය යනුවෙන් ව්‍යවහාර කළහ. මීට අදාළ ලතින් වචනය වන ක්වඩ්රජෙසිමා  Quadragesima  දින 40 ක කාලය යන අරුත දනවයි. ඉතාලි භාෂාවෙන් මීට අදාල ක්වරේසීමා Quaresima යන වචනයෙන් කොරැස්මය යන වචනය අපේ පැරැන්නන් සාදා ගත් බව සිතිය හැකිය. ඉංග්‍රිසියෙන් මෙම කාලසීමාව (Lent)  ලෙන්ට් යනුවෙන් හැඳින්වේ.

එකට එක කරන්නේ කව්රු කියලා හිතාගෙනද?

සාමාන්‍ය සමයේ සත්වැනි ඉරුදින,  පෙබරවාරි 23 ඉරිදා

මතෙව් 5 : 38 - 48

අද සුවිශේෂයෙන් ජේසු සමිඳුන් කියන්නට උත්සාහ කරන්නේ මොනම අවස්ථාවකදීවත් එකට එක කිරීම නොකළ යුතු දෙයක් බවය. ඊට උදාහරණ කිහිපයක් ලෙෂ උන්වහන්සේ තමන්ගේ කම්මුලට පහරදෙන කෙනෙකුට කළයුතු දෙයද තමන්ගේ කමිසයට නඩු කියන කෙනෙකුට කළයුතු දෙයද බලහත්කාරයෙන් තමන්ගෙන් වැඩ ගන්න කෙනෙකුට කිවයුතු දෙයද අපට කියයි. මේ දේවල් ඇසෙන විට අපට හිතෙන්නේ ජේසු සමිඳුන් අපට කියන්නේ නිවටයන් මෙන් කරබාගෙන හැමෝගෙන්ම පීඩා විදින්න කියා කියන බවය. උන්වහන්සේ කියන්නේ ඊට වඩා හාත්පසින්ම වෙනස් දෙයකි. උන්වහන්සේ කියන්නේ මිනිසුන් සමග කී‍්‍රඩාකිරීමද තරග කිරිමද වාදවිවාද කිරිමද හොඳ දෙයක් වූවද සාතන් සමග සෙල්ලම් කිරීමට මොනම විධියකින්වත් ඉදිරිපත් නොවිය යුතු බවය. එකට එක කිරීම කා සමග කළද අන්තීමට එය කර ඇත්තේ එකම එක්කෙනෙකු සමගය. 

ඔබ දසපණත් කීයක් කඩනවද?

සාමාන්‍ය සමයේ හයවැනි ඉරුදින, පෙබරවාරි 16 ඉරිදා

මතෙව් 5:17:37

අද සුවිශේෂයට කන්දඋඩ දේශනාව යයිකීම හරිය. එහෙත් බැලූ බැල්මට නොපෙනුනද මෙය වෙන කන්දක දෙවියන්වහන්සේ කළ පරණ දේශනාවකට අටුවාටිකාවකි. මෝසෙස්ට දෙවියන්වහන්සේ දසපණත දුන්නේ සීනයි කන්දේදීය. දෙවියන්වහන්සේ දසපණත ගල් පුවරුවක ලියා මෝසෙස්ගේ අතට දෙන්නට පෙර ඔහු සමග දවස් 40 ක් එකදිගට කතාකරකර සිටියේය.

ජේසු සමිඳුන් අද කන්දඋඩ දේශනාව පටන් ගන්නේ සීනයි කන්දේදී තාත්තා මෝසෙස්ට දුන් දේශනාවේ කටුසටහන හිතේ තියාගෙනය. එය ජෙරුසලමේ දේවමාලිගාවේ ගිවිසුම් කරඬුවේ තිබුනද ගල් ලෑලි දෙකේ තාත්තා ලියූදේවල් ඉතාකෙටියෙන් ලියා ඇති නිසා දේවමාලිගාවේ සිටිය අයටවත් ඒවා හරියට තේරුම් ගොස් තිබුණේ නැත. ජේසු සමිඳුන් අද පණතින් පණත මේ පණත්දහය ජනතාවට ගැඹුරින්පහදාදෙයි. උන්වහන්සේ ආවේ දසපණත අවලංගු කිරීමට නොව එය වඩාත් පැහැදිළිව කියා දීමටබව අන්තිමේදී කාටත්තේරුණි.

ආලෝකයේ දරුවන් වීමට නම්...............

සාමාන්‍ය සමයේ පස්වන ඉරුදින

කි‍්‍රස්තුන්වහන්සේ යනු අප සැමගේ ආලෝකයි. ජේසුස්වහන්සේ, ඔවුන්වහන්සේගේ කුරුසියේ යාගය මගින් සකල මනුෂ්‍යයන් වෙත ආලෝකයේ රශ්මි දහර විහිදුවා ඔවුන් වහන්සෙගේ අනුගාමිකයන් වන අප සැමටත් අන් අය උදෙසා ආලෝකය විහිදුවා ලන පහන්රුකක් වන්නට සුපුවත තුළින් ආරාධනාකරයි.

ආලෝකයයනු අඳුරේ විරුද්ධාර්ථයයි. මිනිසායනු තාපයකරා ඇදී යන සරල වශයෙන් කිවහොත් කෘමියෙකු ඉටිපහනක් දෙසට ආලෝකය සහ උණුසුම සොයා ඇදෙන්නාසේ අපිදු පාපය නමැති අන්ධකාරයේ මායාව වෙත ඉතා උද්යෝගයෙන් ආකර්ෂණය වේ. විටෙක එය අපගේ ස්වභාවය ලෙස අර්ථකථනය කරයි. එනමුදු එය සැබෑවක් නොවේ. සැබෑ යථාර්ථය නම් අපි අන්ධකාරයේ දරුවන් නොව ආලෝකයේ දේවදරුවන් බවයි. දෙවියන්වහන්සේ අපව මවා ඇත්තේ ඔවුන් වහන්සේගේම උතුම් ස්වභාවයට අනුවයි. (උත්පත්ති 1:27) එය සැබෑ සත්‍යවේ. එසේ නම් අපි ආලෝකය තුළ සැරිසරනවා යන්නෙන් අදහස්කරනු ලබන්නේමෙම දේව ස්වභාවය අප තුළ අත්දැකීමයි. එහෙත් අපි බොහෝ විට මෙම දේව ස්වභාවය අප තුළ අත් දකින්නට අපොහොසත්වී ඇත. අපි පාපය නමැති බඳුනෙන් මෙම දේව ස්වභාවය අප තුළ සඟවාගෙන ඇත. එම නිසා මෙම දේව ස්වභාවය නමැති ආලෝකය අන්අය වෙත විහිදුවාලන්නට අපට නොහැකි වී තිබේ.

අපගේ වටිනාම වස්තුව පුදදෙමු සමිඳුට...........

බිළිඳු ජේසු සමිඳුන් පුදදුන් මංගල්‍යය හෙවත් කානික්ක මංගල්‍යය,

සාමාන්‍ය සමයේ සතරවන ඉරුදින -  ( 2-පෙබරවාරි '14 )

අදදින ශුද්ධවූ සුවිශේෂය තුළ ජේසු බිළිඳුන් දේවමාළිගාවේ දී ඔප්පුකිරිමේ සිද්ධිය අපට ගෙනහැර දක්වයි. එලෙසම පළමුකියවීම  තුළ ස්වාමීන් වහන්සේගේ පැමිණීමේ දවසේදී ඔවුන්වහන්සේ රන්කරුවෙකුගේ ගින්නමෙන් අපුල්ලන්නකුගේ සබන්මෙන් අප නුසුදුසුකම් පවිත‍්‍ර කරන බව පවසයි. 

දෙවනකියවීම තුළ අපට දෙන පණිවුඩය වනුයේ ජේසුස් ස්වාමීන් වහන්සේ මනුෂ්‍යයකු වීම තුළ සියලූ පරීක්‍ෂා හා දුක්වේදනාවලට මුහුණදුන් බැවින් අපගේ පරීක්‍ෂා වලදී අපට සරණය වීමට ඔවුන්වහන්සේට පිළිවන් බවය.

අප වඩාත් ආදරයකරන, ඇළුම් කරන පුද්ගලයන් හෝ දේවල් අපෙන් ඉවතට යනවාට වඩා අප අසළම තබා ගැනීමට අපි මහත්සේ ආශාකරන්නෙමු. එනමුත් අද සුපුවත අපට අභියෝගයක් එල්ල කරයි. එනම් සුවිශේෂයේ සඳහන්වන "හැම කුළුදුල් පිරිමි දරුවෙක් ම ස්වාමීන්වහන්සේට කැපය." (ශු. ලූක් 2:23)යන පාඨය තුළින් අපගේ ජීවිතයේ වටිනාමදෙය ස්වාමීන්වහන්සේට ඔප්පුකිරිමට අපට ඇරියුම්කරයි.

හොඳ ආරම්භයක් අවසානයක්ද?

ජනවාරි 26 ඉරුදින- සාමාන්‍ය සමයේ 3 වන ඉරුදින- මතෙව් 4:1-23

ශුද්ධවූ ජුවාම් තුමාගේ සුවිශේෂයට අනුව ජේසු සමිඳුන් සිය ප‍්‍රසිද්ධ මෙහෙය අරඹන්නේ විවාහ මංගල්‍යයකිනි. 

ශු. සෙබස්තියන් මුනිතුමා.

 ලංකාවේ රෝග සුවවීම සඳහාද, දුනුහේවායන්ගේ මලල ක‍්‍රිඩකයන්ගේද, නගර ආරක්ෂකයන්ගේද, කාපට් නිපදවන්නන්ගේද, අරක්ගත් මුනිවරයාණෝ,

 ජීවිත කාලය : වර්ෂ 300 පමණ ප‍්‍රාණපාරිත්‍යගී විය.
මංගල්‍ය දිනය : ජනවාරි 20
උපන් ග‍්‍රාමය : නර්බෝනා, ප‍්‍රංශය
ලංකාවේ දෙව්මැදුරු : කඳාන, කටුවාපිටිය, මොරටුව,                                                               කටුනේරිය.....
ශ‍්‍රික් නාමයේ අරුත : වන්දනීය

රෝම ප‍්‍රාණපරිත්‍යගීවරුන් අතර සා.ඇග්නස් මුනිවරියට, සා.ලොරන්ස් මුනිතුමාට මෙන්ම විශේෂ ගෞරවයක් සා.සෙබස්තියන් මුනිතුමාට ලැබේ. මෙතුමාගේ මරණයෙක් වසර කීපයකට පසුව එතුමා භුමිදාන කර ඇති අප්පියා මාර්ගයේ බැසිලිකාවක් ඉදිකර ඇත. තුන්වන හා හතරවන සියවසේ ප‍්‍රංශයේ හා ඉතාලියේ ජිවත්විය.

ඔබේ ගෙදරත් ජෝර්දාන් ගඟක්ද?

ජේසු සමිදානන්ගේ ස්නාපන මංගල්‍යය - ජනවාරි 12 ඉරිදා 2014 - ( මතෙව් 3 : 13 - 17 )

ස්නාවක ජුවාම් තුමා ජොර්දාන් ගඟ අද්දර දුන් බෞතිස්මය අද අප ලබන ප‍්‍රසාද ස්නාපනයට සමාන කළ නොහැකි වුවද ජුවාම් තුමාගේ ස්නාපනයේදීද පව්කමාව පිළිබඳ අදහස ඉතා ගැඹුරින් අවධාරණය කෙරිණි. තම පව්වලට පසුතැවී ජනතාව ලබා ගනිමින් තිබුණු මේ ස්නානය ජේසු සමිඳුන්ද ඉල්ලන්නට අද උන්වහන්සේද ගඟට බැස්සාහ. තමනගෙන් බෞතිස්ම ස්නානය ඉල්ලමින් එන ජේසු සමිඳුන් දැක ජුවාම් තුමාට ලජ්ජා සිතුණේය. මුළු මහත් ජනතාවක් ඟඟේ ගිල්වමින් ස්නානය කළ ස්නාවක ජුවාම්ද ඒ වන විටත් ස්නානය ලබා තිබුණේ නැත.